BE.353 Logu no.37
DI SURGO HASONANGAN I

Ayat 1
Di surgo hasonangan i Inganan na dumenggan i
Tusi naeng laho muli au Asa rap dohot Jesus au.

Ayat 2
Tutu godang dope adong Marningot au di tano on
Sai tostosanku nama i Lao mandapothon surgo i

Ayat 3
Na dao dope au sian i Aik tung disungkun rohangki
Tung ise be mandok tu au Na holang sian Jesus au.

Ayat 4
Na porsuk nang na bernit pe Mansohot ma di surgo i
Disi soada dosa be Mansohot nasa jea pe

Ayat 5
Ndang parmianan tano on Sai surgo i do na tongtong
Ai rura partangisan on Di ginjang sonang rohangkon.

Ayat 6
Dibahen i, o tondingki Jalahi na di surgo i
Tibu ma ro mangalap ho Jesusmu Sipangolu ho

Ayat 7
Denggan do tohapmi disi Di lambung ni Tuhanta i.
Padoras ma tongtong langkam Naeng sonang ho di banuam.
